சுசீந்திரம், செப். 19 –
கோட்டார் டிவிடி பள்ளியில் வைத்து இலவச மருத்துவ முகாம் கன்னியாகுமரி மாவட்ட போட்டோ வீடியோ கிராபர்ஸ் அசோசியேசன் சார்பில் இன்று காலை 10 மணிக்கு துவங்கி நடைபெறுகிறது. இந்த முகாமில் இசிஜி, எலும்பு உறுதி பரிசோதனை, தோலின் ஈரப்பத பரிசோதனை, காலில் வெரிகோஸ் பரிசோதனைகளும், அனைத்து வகையான மருந்து மாத்திரைகளும் இலவசமாக வழங்கப்படுகிறது. மேலும் ரத்தத்தில் சர்க்கரை நோய் நரம்பு பாதிப்பு கண்டறியும் பரிசோதனையும், ரத்தநாள ஓட்ட அளவு பரிசோதனை, கொழுப்பு, யூரிக் அமிலம், ரத்த அழுத்தம் போன்ற பரிசோதனைகளும் இலவசமாக வழங்க உள்ளனர். எனவே பொதுமக்கள் இந்த பரிசோதனைகளை செய்து பயனடைய கேட்டுக் கொண்டுள்ளனர்.
