சென்னை, அக் : 14
சென்னையில் ஆசியவியல் நிறுவனத்தின் 45ஆம் ஆண்டு விழா மற்றும் நூல் வெளியீட்டு விழா சிறப்பாக நடைபெற்றது. தமிழகச் சட்டப்பேரவைத் தலைவர் ஜே.சி.டி. பிரபாகர் தலைமையில் நடைபெற்ற இவ்விழாவில், நிறுவனத்தின் நிறுவனர் மற்றும் இயக்குநர் பேராசிரியர் முனைவர் ஜான் சாமுவேல் அவர்கள் 45 ஆண்டுகாலத் தமிழ்ப் பணிகளையும் சாதனைகளையும் எடுத்துரைத்தார்.
200-க்கும் மேற்பட்ட தமிழியல் நூல்களை வெளியிட்டுள்ள ஆசியவியல் நிறுவனத்தின் பணிகள் பாராட்டப்பட்டன. மேலும், பிரான்சிஸ் முத்து அவர்கள் 20 ஆண்டுகால உழைப்பில் எழுதிய “The Place of Thirukkural in World Ethics” என்ற ஆங்கில நூலும் வெளியிடப்பட்டது.
பல்துறை அறிஞர்களும் முக்கியப் பிரமுகர்களும் பங்கேற்ற இவ்விழா, தமிழின் பெருமையை உலகெங்கும் எடுத்துச் செல்லும் நிகழ்வாக அமைந்தது.
