பத்திரகாளியம்மன் கோவிலில் தூக்க நேர்ச்சை

மார்த்தாண்டம் ஏப் 1

குமரி மாவட்டத்தில் புகழ்பெற்ற கொல்லங்கோடு ஸ்ரீ பத்ரகாளி அம்மன் கோயில் தூக்கத் திருவிழாவின் சிறப்பு நிகழ்வான நோ்ச்சை தூக்கம் இன்று செவ்வாய்க்கிழமை வெகு விமர்சையாக நடைபெற உள்ளது.இக்கோயிலில் நிகழாண்டு திருவிழா கடந்த 23 ஆம் தேதி கொடியேற்றத்துடன் துவங்கியது. விழாவில் 8 ஆம் நாளான ஞாயிற்றுக்கிழமை நடைபெற்ற பண்பாட்டு மாநாட்டுக்கு கோயில் தலைவா் வி. ராமச்சந்திரன் நாயா் தலைமை வகித்தாா். துணைச் செயலா் எஸ். பிஜூ குமாா் வரவேற்றாா். கேரள மாநில முதன்மைச் செயலா் ராஜு நாராயண சுவாமி சிறப்பு விருந்தினராக கலந்து கொண்டு, பண்பாட்டு மாநாட்டை குத்துவிளக்கேற்றி தொடக்கி வைத்தாா். அம்மாநில முன்னாள் அமைச்சா் வி.எஸ். சிவகுமாா், யுவ புரஸ்காா் விருதுபெற்ற கேரள கவிஞா் சுமேஷ் கிருஷ்ணா, குழித்துறை தேவிகுமரி மகளிா் கல்லூரி பேராசிரியை எஸ். பிந்துஜா ஆகியோா் பேசினா். கோயில் கமிட்டி உறுப்பினா் எஸ். சஜிகுமாா் நன்றி கூறினாா்.விழாவின் 9 ஆம் நாளான நேற்று திங்கள்கிழமை காலை 5.30 மணிக்கு தூக்க நோ்ச்சை நிறைவேற்றும் தூக்கக்காரா்கள் பிரதான பூஜாரியுடன் வள்ளவிளை கடலில் நீராடி, பஞ்சகவ்ய முழுக்கல் மற்றும் கடல்பூஜை செய்துவிட்டு கோயிலில் நமஸ்காரத்தில் ஈடுபடுகின்றனா். மாலை 6 மணிக்கு தூக்க வில்லின் வெள்ளோட்டமான வண்டியோட்டம் நடைபெற்றது.

விழாவின் சிறப்பு நிகழ்வான தூக்க நோ்ச்சை இன்று செவ்வாய்க்கிழமை (ஏப். 1) நடைபெறுகிறது. காலை 5 மணிக்கு அம்மன் பச்சைப் பந்தலில் எழுந்தருளுகிறாா். காலை 6.30 மணி முதல் தூக்க நோ்ச்சை நடைபெறுகிறது. இதில் 1,175 குழந்தைகளுக்கு தூக்க நோ்ச்சை நிறைவேற்றப்படுகிறது. தூக்க நோ்ச்சை நிறைவடைந்தப் பிறகு, குருசி தா்ப்பணத்துடன் விழா நிறைவடைகிறது.தூக்கத் திருவிழாவையொட்டி, கன்னியாகுமரி மாவட்டம் மற்றும் கேரளத்தின் திருவனந்தபுரம் மாவட்டத்தின் பல்வேறு பகுதிகளிலிருந்து தமிழக, கேரள அரசுப் போக்குவரத்துக் கழகங்கள் சாா்பில் சிறப்புப் பேருந்துகள் இயக்கப்படுகின்றன.