திருச்சி, ஏப்ரல் 16 –
திருச்சி கிழக்கு தொகுதியில் உள்ள கே.கே.நகர் பகுதியில் தமிழக வெற்றிக் கழகத்தினர் நேற்று (ஏப்., 15) வீடு வீடாக பரப்புரை மேற்கொண்டனர். அப்போது, முதியவர் ஒருவர் தவெகவினரை அநாகரிகமாக பேசி, விறகு கம்பால் தாக்க முயன்றதாக கூறப்படுகிறது.
தவெகவினர் தனது வீட்டுக்குள் வரக்கூடாது எனக்கூறியதோடு, அங்கிருந்து செல்லுமாறு முதியவர் மற்றும் அவரது குடும்பத்தினர் கூறியுள்ளனர். இது தொடர்பான வீடியோ இணையத்தில் பரவி வருகிறது. இந்த தொகுதியில் தவெக தலைவர் விஜய் போட்டியிடுவது குறிப்பிடத்தக்கது.
