பெருந்துறை அருகே சுகாதாரமற்ற உணவகம்: உரிமம் தற்காலிகமாக ரத்து.

ஈரோடு, அக் :12

ஈரோடு மாவட்டம், விஜயமங்கலம் டோல்கேட் அருகே செயல்பட்டு வந்த ஆர்யாஸ் உணவகத்தில், மாவட்ட ஆட்சியரின் உத்தரவின்பேரில் உணவுப் பாதுகாப்புத் துறை அதிகாரிகள் ஆய்வு மேற்கொண்டனர்.

அப்போது, சுகாதாரமற்ற சமையலறை, உணவு சேமிப்பு மற்றும் விற்பனைப் பகுதிகள் கண்டறியப்பட்டன. இதையடுத்து, உணவகத்தின் உரிமம் தற்காலிகமாக ரத்து செய்யப்பட்டு, விற்பனைக்குத் தடை விதிக்கப்பட்டது. மேலும், லேபிள் விவரங்கள் இல்லாத 60 பாப்கார்ன் பாக்கெட்டுகள் பறிமுதல் செய்யப்பட்டன. 7 உணவு மாதிரிகள் ஆய்வகப் பரிசோதனைக்கு அனுப்பப்பட்டன.

உணவுப் பொருட்கள் குறித்த புகார்களை 0424 2223545 அல்லது 9444042322 என்ற எண்களில் தெரிவிக்கலாம். புகார் அளிப்பவர்களின் விவரங்கள் ரகசியமாக வைக்கப்படும் என மாவட்ட ஆட்சியர் தெரிவித்துள்ளார்.