திண்டுக்கல் மிட் டவுன் ரோட்டரி சங்கத்தின் சார்பாக இலவச தோல் ஆலோசனை மருத்துவ முகாம்

திண்டுக்கல், செப்டம்பர் 18 –

திண்டுக்கல் மிட் டவுன் ரோட்டரி சங்கத்தின் சார்பாக ஸ்கின் ஒன் கிளினிக்கில் இலவச தோல் ஆலோசனை மருத்துவ முகாம் நிகழ்ச்சி R.M. காலனி 10-வது குறுக்கு தெரு கூடைப்பந்து மைதானம் அருகில் உள்ள ஸ்கின் ஒன் கிளினிக்கில் நடைபெற்றது. இந்நிகழ்ச்சிக்கு திண்டுக்கல் மிட் டவுன் ரோட்டரி சங்கத்தின் தலைவர் M. சிவசிதம்பரம் தலைமை தாங்கினார். நிகழ்ச்சிக்கு திண்டுக்கல் ரத்த வங்கி நிர்வாகி S. இளங்கோவன் முன்னிலை வகித்தார். இந்நிகழ்ச்சியின் போது Dr. ராகுல் இளங்கோவன்,Er. கோகுல் ஆகியோர் பிறந்தநாளை முன்னிட்டு கேக் வெட்டிக் கொண்டாடப்பட்டது. இந்நிகழ்ச்சியில் ஆலோசகர் தோல் மருத்துவர் டாக்டர். ராகுல் இளங்கோவன் பொதுமக்களுக்கு தோல் முடி மற்றும் நகம் தொடர்பான பிரச்சனைகளுக்கு நிரந்தர தீர்வுகளை கூறி ஆலோசனை வழங்கினார்.

மேலும் முகப்பரு, மங்கு, நகசுத்தி, படர்தாமரை, கரு வளையங்கள், ஹேர் டை ஒவ்வாமை, முடி நரைத்தல், முடி கொட்டுதல், பொடுகு, பேன் சிகிச்சை, பாத வெடிப்பு, கால் ஆணி அகற்றுதல், குழந்தைகளின் தோல் சிகிச்சை, அதிகவியர்வை, உள்ளங்கை, பாத வியர்வை, வெண்புள்ளி பிரச்சனை, சொரியாசிஸ், மருக்கள், மச்சம் அகற்றுதல் மற்றும் லேசர் முறையில் முகப்பொலிவு சிகிச்சை, தழும்பு நீக்கும் சிகிச்சை, தேவையற்ற முடிகளை நீக்கும் சிகிச்சை, மச்சம் நீக்கும் சிகிச்சை, பச்சை குத்தியதை நீக்கும் சிகிச்சை ஆகியவை பொதுமக்களுக்கு இலவசமாக பரிசோதனை செய்து ஆலோசனைகள் வழங்கப்பட்டது. இதில் 100 க்கும் மேற்பட்ட பொதுமக்கள் கலந்து கொண்டு பயன் பெற்றனர். இந்நிகழ்ச்சியில் திண்டுக்கல் மிட் டவுன் ரோட்டரி சங்க நிர்வாகிகள் பலர் கலந்து கொண்டனர். நிகழ்ச்சியின் முடிவில் திண்டுக்கல் மிட் டவுன் ரோட்டரி சங்கத்தின் செயலாளர் Er.K.துளசிதாஸ் நன்றி கூறினார்.