சென்னை, டிசம்பர் 31 –
சென்னையை சேர்ந்த திவ்யா சுவப்பனராஜ் 8 வருடங்களுக்கு மேலாக உமன்ஸ் லீக் பவுண்டேஷன் என்ற தன்னார்வ இயக்கத்தை தொடங்கி அதன் மூலம் பல்வேறு மாற்று திறனாளிகள் மற்றும் பெண்கள் குழந்தைகள் என பல்வேறு சமூகத்தில் பின்தங்கிய வகுப்பினருக்கு அவர்களின் வாழ்வாதார முன்னேற்றத்திற்காக பல்வேறு திட்டங்களை செயல்படுத்தி வருகின்றார்.
அதேபோல் பின் தங்கிய பகுதிகளில் பள்ளி வகுப்பறை கட்டுதல், குடிநீர் அமைத்து கொடுத்தல், மாற்றுத்திறனாளிகளுக்கான வேலைவாய்ப்பை ஏற்படுத்திக் கொடுத்தல் என சமூக மேம்பாடு திட்டங்களையும் முன்னணி நிறுவனங்களின் சமூக மேம்பாட்டு நிதியில் இருந்து பெற்று அந்த பணிகளையும் சிறப்பாக செயல்படுத்தி வருகின்றார்.
இந்த நிலையில் Indian Media Works நிறுவனம் சார்பில் உமன்ஸ் லீக் ஃபவுண்டேஷன் நிறுவனர் திவ்யா சுவப்பனராஜ்யின் சேவைகளை பாராட்டி, அவரை கவுரவிக்கும் வகையில் Indian Awards 2025 சிறந்த சமூக சேவை விருதினை வழங்க முன்வந்தன. அதன்படி கடந்த 25ம் தேதி சென்னை சேத்பட்டில் உள்ள தனியார் அரங்கில் விருது வழங்கும் விழா நடைபெற்றது. இதில் நடிகர் யோகி பாபு, பத்திரிகையாளர் நக்கிரன் கோபால் உள்ளிட்ட நட்சத்திரங்கள் கலந்து கொண்டு விருதுகளை வழங்கினர்.
இந்த விருது வழங்கும் விழாவில் 10 ஆயிரத்திற்கும் மேற்பட்ட பெண்கள், மாற்றுத்திறனாளிகள், குழந்தைகளின் வாழ்வாதரத்திற்கு உதவி செய்த உமன்ஸ் லீக் பவுண்டேஷன் நிறுவனர் திவ்யா சுவப்ணராஜ்க்கு INDIAN AWARDS 2025 சிறந்த சமூக சேவை விருது வழங்கி கவுரவிக்கப்பட்டார்.
