அரியலூர், ஜன;06
அரியலூர் மாவட்ட விளையாட்டு அரங்கம் அருகில், தமிழ்நாடு விளையாட்டு மேம்பாட்டு ஆணையம் அரியலூர் மாவட்டம் சார்பில் அறிஞர் அண்ணா மாரத்தான் ஓட்டப்போட்டிக்கு இணையான நெடுந்தூர ஓட்டப்போட்டிகளை அரியலூர் மாவட்ட ஆட்சித்தலைவர் பொ.இரத்தினசாமி நேற்று கொடியசைத்து துவக்கி வைத்தார்.
இந்நிகழ்ச்சியில் அரியலூர் சட்டமன்ற உறுப்பினர் கு.சின்னப்பா கலந்துகொண்டார்.
ஒவ்வொரு ஆண்டும் காலஞ்சென்ற முன்னாள் தமிழ்நாடு முதல்வர் பேரறிஞர் அண்ணா அவர்களின் பிறந்த நாளினை முன்னிட்டு அதனை சிறப்பிக்கும் வகையில் அறிஞர் அண்ணா மாரத்தான் ஓட்டப்போட்டிகளுக்கு இணையான நெடுந்தூர ஓட்டப்போட்டிகள் நடத்தப்படுகிறது. அந்த வகையில் 2024-25 ஆம் ஆண்டிற்;கான நெடுந்தூர ஓட்டப்போட்டிகளை அரியலூர் மாவட்ட விளையாட்டு அரங்கம் அருகில் இன்றைய தினம் மாவட்ட ஆட்சித்தலைவர் அவர்கள் கொடியசைத்து துவக்கி வைத்தார். இப்போட்டியில் சுமார் 450-க்கும் மேற்பட்டோர் பங்கேற்றனர்.
இந்நெடுந்தூர ஓட்டப்போட்டிகளானது 17 வயது முதல் 25 வயதிற்குட்பட்டவர்களுக்கு ஆண்களுக்கு 8 கி.மீ தூரமும், பெண்களுக்கு 5 கி.மீ தூரமும், 25 வயதிற்கு மேற்பட்ட ஆண்களுக்கு 10 கி.மீ தூரமும், பெண்களுக்கு 5 கி.மீ தூரமும் ஓட்டப்போட்டிகள் நடைபெற்றது.
இந்நெடுந்தூர ஓட்டப்போட்டிகளில் வெற்றி பெற்றவர்களுக்கு முதல் மூன்று பரிசுகள் முறையே தலா ரூ.5,000 வீதமும், தலா ரூ.3,000 வீதமும், தலா ரூ.2,000 வீதமும், மேலும் 4 முதல் 10-ஆம் இடம் பெற்று வெற்றி பெற்றவர்களுக்கு தலா ரூ.1,000 வீதம் பரிசு தொகைக்கான காசோலைகள் மற்றும் சான்றிதழ்கள் வழங்கப்பட்டது.
இந்நிகழ்ச்சியில் மாவட்ட விளையாட்டு மற்றும் இளைஞர் நலன் அலுவலர் லெனின், மாணவ, மாணவியர்கள், இளைஞர்கள் மற்றும் இதர அரசு அலுவலர்கள் உள்ளிட பலர் கலந்து கொண்டனர்.
அரியலூர் மாவட்ட செய்தியாளர் வினோத்குமார்
