சென்னை, ஜூன் 20 –
சென்னையை தலைமையிடமாக கொண்டு செயல்படும் கிரீன் காடெசஸ், 2026 ஆம் ஆண்டிற்கான கிரீன் காடெசஸ் கிரீன் அவார்ட்ஸ் விருது வழங்கும் விழா சென்னையில் நடைபெற்றது. சுற்றுச்சூழல் பாதுகாப்பு, நிலைத்தன்மை, சமூக நலன் மற்றும் சமூக மேம்பாட்டிற்காக சிறப்பான பங்களிப்பை வழங்கி வரும் தனிநபர்கள் மற்றும் நிறுவனங்களை கௌரவிக்கும் நோக்கில் நடைபெற்ற இந்த விழாவில் சுற்றுச்சூழல் ஆர்வலர்கள், சமூகத் தொழில் முனைவோர், நலவாழ்வு ஆதரவாளர்கள், தொழில் துறை தலைவர்கள் உள்ளிட்ட பலர் கலந்து கொண்டனர்.
கிரீன் காடெசஸ் நினா ரெட்டி, அஞ்சு அகர்வால், ப்ரீத்தி தியாகராஜன், ஜெயஸ்ரீ விவேக் மற்றும் மஞ்சு முதித் ஆகியோரால் நிறுவப்பட்ட கிரீன் காடெசஸ் அமைப்பு, சுற்றுச்சூழல் விழிப்புணர்வு, பொறுப்பான வாழ்க்கை முறை, சமூகப் பொறுப்பு மற்றும் அர்த்தமுள்ள சமூக மாற்றத்தை ஊக்குவிக்கும் நோக்கத்துடன் செயல்பட்டு வருகிறது. அதன் பல்வேறு முயற்சிகள் மூலம் தனிநபர்களும் நிறுவனங்களும் நிலைத்தன்மை சார்ந்த நடைமுறைகளைப் பின்பற்றி சமூகத்திற்கு நேர்மறையான பங்களிப்பை வழங்க ஊக்குவிக்கப்படுகின்றனர்.
இந்நிகழ்வின் சிறப்பு விருந்தினராக, சுற்றுச்சூழல் ஆர்வலரும் முன்னாள் ஐக்கிய நாடுகள் சபையின் இந்தியா யுவாஹ் (YuWaah) தூதரான சௌம்ய ரஞ்சன் பிஸ்வால் கலந்து கொண்டு சுற்றுச்சூழல் பாதுகாப்பு குறித்து கருத்துகளை எடுத்துரைத்தார்.
இந்நிகழ்வில் ஷெஃபாலி தாதாபாய் – சன்ஷைன் சன்ஃப்ளவர் விருதும், ஜஸ்வந்த் சிங் – கிரீன் சாங்க்சுவரி விருதும் கிருஷ்ண குமார் சுரேஷ் – ரெஸ்டோரேஷன் எக்ஸலன்ஸ் விருது ம் , மம்தா ஜெயின் – த்ரெட்ஸ் ஆஃப் சேஞ்ச் விருதும், ஜனனி வெங்கிடேஷ் ரோகா – கிரீன் வாரியர் விருதும், கல்பனா மணிவண்ணன் – சாயில் டு சக்சஸ் விருதும், ஹனு ரெட்டி ரியால்டி இந்தியா பிரைவேட் லிமிடெட் – லெஜண்டரி விருதும், கல்யாணி பிரமோத் – கிரீன் ஆர்டிஸ்ட் விருதும் வழங்கி கெளரவிக்கப்பட்டனர்.
