கொச்சி, டிச. 23 –
தங்கம் மற்றும் வெள்ளி ஆபரண நிறுவனமான ஜோஸ் ஆலுக்காஸ், நடிகர் துல்கர் சல்மான் தனது பிராண்டின் விளம்பரத் தூதராக நியமனம் செய்துள்ளதாக அறிவித்துள்ளது. மலையாளம், தமிழ், தெலுங்கு, கன்னடம் மற்றும் இந்தி என பல்வேறு மொழிகளில் வெளிவரும் திரைப்படங்களில் இயல்பான நடிப்பை வெளிப்படுத்தி, மக்களால் பிரபலமாக அறியப்படும் இவர், பல ஆண்டுகளாக இந்திய சினிமாவில் ஒரு தனித்துவமான இடத்தைப் பிடித்துள்ளார்.
ஜோஸ் ஆலுக்காஸ் பிராண்டின் விளம்பரத் தூதராக துல்கர் சல்மான், ஜோஸ் ஆலுக்காஸின் வரவிருக்கும் விளம்பரங்களில் இடம் பெறுவார். ஆபரணங்களை தனிப்பட்ட பாணி உணர்வு மற்றும் தொடர்ச்சியின் பிரதிபலிப்பாக சுவாரஸ்யமாக உருவாக்கப்படும் பல்வேறு விளம்பரங்களில் தனது இயல்பான நடிப்புத் திறனின் மூலம் இந்த பிராண்டின் செய்தியை மக்களிடம் இவர் எளிதாக கொண்டுபோய் சேர்ப்பார்கள்.
ஜோஸ் ஆலுக்காஸின் நிர்வாக இயக்குநர் வர்கீஸ் ஆலுக்காஸ் கூறுகையில், “எப்போதும் தரத்தை உயர்த்துவதிலும், நேர்மையான வழியில் மக்களின் நம்பிக்கையை பெறுவதிலும் தொடர்ந்து இருந்து வரும் எமது அர்ப்பணிப்பே எமது வளர்ச்சிக்கு காரணமாக இருக்கிறது. 916 பி ஐ எஸ் – ஹால்மார்க் தங்கத்தை, அது ஆபரணத் தொழில்துறையின் விதிமுறையாக மாறுவதற்கு முன்பே நாங்கள் அறிமுகப்படுத்தியது எமது அணுகுமுறையை பிரதிபலிக்கிறது. நடிகர் துல்கர் சல்மானின் வெற்றிகரமான பயணமும், கதாபாத்திரங்களை அவர் தேர்ந்தெடுக்கும் விதத்தில் இருக்கும் தெளிவு மற்றும் நுணுக்கங்களில் அவர் செலுத்தும் கவனமும், நாங்கள் பல ஆண்டுகளாக இந்த பிராண்டை கட்டமைத்த விதத்தோடு நேர்த்தியாக ஒத்துப்போகிறது என்றார்.
ஜோஸ் ஆலுக்காஸின் நிர்வாக இயக்குநர் பால் ஆலுக்காஸ் கூறுகையில், “நாங்கள் எமது இருப்பை விரிவுபடுத்தி, நாடெங்கிலும் பரந்துபட்ட, நவீன வாடிக்கையாளர்களிடம் எமது சேவைகளை கொண்டுபோய் சேர்க்கும் நேரத்தில் நடிகர் துல்கர் சல்மானுடன் இந்த இணைப்பு ஏற்பட்டுள்ளது. எங்கள் வாடிக்கையாளர்களைப் போலவே, துல்கரும் இயல்பான பிணைப்பை பிராந்தியங்களைக் கடந்து அனைவருடனும் கொண்டிருக்கிறார். மக்கள் எங்கள் மீது வைத்துள்ள நம்பிக்கைக்கு உண்மையாக இருக்கும் அதே வேளையில், இன்றைய காலத்திற்கேற்ப சிறப்பாக பொருந்துகின்ற ஆபரண பிராண்டாக இருப்பதற்கான எங்கள் திறனை துல்கரின் கூட்டாண்மையுடன் இணைந்து பயணிக்கும் என்றார்.
