கோட்டூர், நவம்பர் 14 –
தமிழ்நாடு துணை முதலமைச்சரும், திமுக இளைஞரணி மாநில செயலாளருமான உதயநிதி ஸ்டாலின் பிறந்தநாள் வருகிற 27-ஆம் தேதி வருவதை முன்னிட்டு, மக்களுக்கு பயன்பெறும் வகையில் பல்வேறு நலத்திட்ட உதவிகளை தமிழகம் முழுவதும் அக்கட்சியினர் செய்து வருகின்றனர்.
அதன் ஒரு பகுதியாக திருவாரூர் மாவட்ட திமுக செயலாளரும், திருவாரூர் சட்டமன்ற உறுப்பினருமான பூண்டி கலைவாணன் அறுவுறுத்தலின்படி, திருத்துறைப்பூண்டி சட்டமன்ற தொகுதி, கோட்டூர் ஒன்றியத்திற்குட்பட்ட மேல பனையூர் கிராமத்தில் மாவட்ட இளைஞரணி துணை அமைப்பாளர் திருத்துறைப்பூண்டி எடிசன் ஏற்பாட்டில் கோட்டூர் ஒன்றிய செயலாளர் பால ஞானவேல் தலைமையில், மகளிருக்கு கயிறு மற்றும் மிதியடி தயாரிக்கும் 2 மாத பயிற்சி வகுப்பு இன்றைய தினம் துவங்கப்பட்டது.
இப்பயிற்சியின் பலனாய் பெண்கள் தாமாகவே சுய தொழில் தொடங்கி வாழ்வில் முன்னேற உதவியாய் அமையும். நிகழ்ச்சியில் கலந்து கொண்ட 100-க்கும் மேற்பட்ட பெண்களுக்கு புடவைகள், தென்னை கன்றுகள், கயிறு மற்றும் மிதியடி தயாரிக்க பயன்படுத்தப்படும் மூலப் பொருட்கள் இலவசமாக வழங்கப்பட்டது.
