மார்த்தாண்டம் அருகே சிறுமிக்கு பாலியல் தொல்லை

கன்னியாகுமரி அக் : 08

மார்த்தாண்டம் அருகே 3-ம் வகுப்பு படிக்கும் 8 வயது சிறுமிக்கு பாலியல் தொல்லை அளித்ததாக 47 வயதான தொழிலாளி சசிகுமார் கைது செய்யப்பட்டார்.

மருதூர்குறிச்சி பகுதியைச் சேர்ந்த இவர், சிறுமி வீட்டில் தனியாக இருந்தபோது பாலியல் ரீதியாக தொந்தரவு செய்ததாக கூறப்படுகிறது. இதுகுறித்து சிறுமி தனது தாயிடம் தெரிவித்ததைத் தொடர்ந்து, பெற்றோர் மார்த்தாண்டம் அனைத்து மகளிர் காவல் நிலையத்தில் புகார் அளித்தனர்.

புகாரின் பேரில் போலீசார் போக்சோ சட்டத்தின் கீழ் வழக்குப்பதிவு செய்து சசிகுமாரை கைது செய்தனர். பின்னர் நீதிமன்றத்தில் ஆஜர்படுத்தப்பட்ட அவர் சிறையில் அடைக்கப்பட்டார்.