மயிலாடுதுறையில் கூலி படத்திற்கு வேட்டி சேலை வழங்கி இலவசமாக படத்திற்கு அழைத்து செல்ல மாவட்ட ரஜினி ரசிகர் மன்றம் முடிவு

மயிலாடுதுறை , ஆக. 11 –

மயிலாடுதுறையில் மாவட்ட தலைமை ரஜினிகாந்த் ரசிகர் மன்ற ஆலோசனை கூட்டம் நடைபெற்றது. கூட்டத்திற்கு மாவட்ட செயலாளர் டி.எல்.ஆர். இராஜேஸ்வரன் தலைமை வகித்தார். நகர செயலாளர் பவுன் முருகானந்தம் வரவேற்புரையாற்றினார். ஆலோசனை கூட்டத்தில் வருகின்ற 14-ந் தேதி நடிகர் ரஜினிகாந்த் நடிக்கும் கூலி படம் மயிலாடுதுறையில் வெளியாகிறது.

அப்போது மிக சிறப்பான முறையில் நமது ரசிகர் மன்றத்தினர் கூலி பட வெளியீட்டை கொண்டாட வேண்டும் என்றும் மேலும் நம் மாவட்டத்தில் கூலி வேலை செய்யும் ஏழை எளியவர்களை படம் பார்க்க நாம் அனைத்து ஏற்பாடுகளையும் செய்ய வேண்டும் என்றும் மேலும் படம் பார்க்க வரும் கூலி தொழிலாளர்களுக்கு வேட்டி சேலை வழங்கி இலவசமாக படத்தை பார்ப்பதற்கு ஏற்பாடு செய்யப்படும் என்றும் தீர்மானம் செய்தனர்.

நடிகர் ரஜினிகாந்த் ரசிகர் மன்ற ஆலோசனை கூட்டத்தில் மாவட்டம் முழுவதுமிருந்து 100 க்கு மேற்பட்ட ரசிகர் மன்ற பொறுப்பாளர்கள் கூட்டத்தில் கலந்து கொண்டு சிறப்பித்தனர்.