புதுக்கடை, ஜூன் 11 –
புதுக்கடை அருகே உள்ள முஞ்சிறை சுற்று வட்டார பகுதியில் இருந்து கனிம வளங்கள் கடத்துவதாக புதுக்கடை போலீசாருக்கு ரகசிய தகவல் கிடைத்தது. இதை அடுத்து புதுக்கடை போலீஸ் சப்-இன்ஸ்பெக்டர் ஜான்ரோஸ் தலைமையிலான போலீசார் அந்த பகுதியில் ரோந்து சென்றனர். அள்ளம் என்ற பகுதியில் வைத்து டிப்பர் வாகனத்தில் சுமார் 2 யூனிட் எம் சான்ட் உடன் வாகனம் ஒன்று வந்துள்ளது. போலீசாரை கண்டவுடன் வாகனத்தை நிறுத்தி விட்டு டிரைவர் தப்பி ஓடி விட்டார்.
வாகனத்தை சோதித்த போது அதில் எம் சாண்டிற்கான எந்த அனுமதியோ, உரிமமோ இல்லாமல் திருட்டுத்தனமாக கடத்துவது தெரிய வந்தது. இதையடுத்து வாகனத்தை எம் சாண்டுடன் பறிமுதல் செய்து போலீஸ் நிலையம் கொண்டு வந்தனர். இது குறித்து புதுக்கடை போலீசார் வழக்கு பதிவு செய்து விசாரித்து வருகின்றனர்.
