கோவை, மார்ச் 6 –
வெற்றி விநாயகா பிக்சர்ஸ் பிரபு மற்றும் மாசாணியம்மன் பிக்சர்ஸ் நிறுவனத்தின் தயாரிப்பாளர் ராஜசேகர், இணை தயாரிப்பாளர் சங்கர் தயாரிப்பில், கேந்திரன் இயக்கத்தில், இமான் இசையில் கதாநாயகனாக விமல், கதாநாயகியாக சன்சிகா ஸ்ரீ மற்றும் நட்டி என்ற நட்ராஜ் ஆகிய நடிகர்கள் நடித்த தென் மாவட்டங்களின் பாரம்பரிய வடமாடு மஞ்சுவிரட்டு காளையை மையப்படுத்தி பொள்ளாச்சி, கோவை, உடுமலை போன்ற பகுதியில் எடுக்கப்பட்ட வடம் திரைப்படம் இன்று தமிழக முழுவதும் 400க்கும் மேற்பட்ட திரையரங்கில் திரையிடப்பட்டுள்ளது.
இதன் ஒரு பகுதியாக கோவை கங்கா, யமுனா திரையரங்கில் திரையிடப்பட்ட வடம் திரைப்படத்தை சினிமா ரசிகர்கள் திரைப்படத்தை பார்த்தனர். தென் மாவட்டங்களில் பிரபலமாக உள்ள பாரம்பரிய வடமாடு மஞ்சுவிரட்டு போட்டிகள் கொங்கு மண்டல பகுதியில் உள்ள மக்களுக்கும் தெரிய வேண்டும் என்ற நோக்கில் இந்தத் திரைப்படம் அமைந்துள்ளதாகவும், திரைப்படம் ஆரம்ப முதல் கடைசி வரை இமான் இசையில் காதல், சண்டை, சென்டிமென்ட், பாடல் காட்சிகள் மற்றும் காளைகள் வரும் காட்சிகள் அனைத்தும் கிராமிய பகுதிகள் நிறைந்து காணப்படுவதால் ரசிகர்களிடையே வடம் திரைப்படம் நல்ல வரவேற்பு இருப்பதாக செய்தியாளர்களிடம் தெரிவித்தனர்.
