தருமபுரி | செப். 23:
கயல் குழுமம் மற்றும் வெங்கடாசலம் பவுண்டேஷன் சார்பில், நிர்வாக இயக்குனர் டாக்டர் இல.வெ. அறிவழகனின் 39-வது பிறந்தநாளை முன்னிட்டு நலத்திட்ட உதவிகள் வழங்கும் நிகழ்ச்சி நடைபெற்றது. இதில் தருமபுரி மாவட்டத்தைச் சேர்ந்த 500-க்கும் மேற்பட்ட தூய்மை பணியாளர்கள் கலந்து கொண்டனர்.
நிகழ்ச்சியில் டாக்டர் இல.வெ. அறிவழகன் பங்கேற்று தூய்மை பணியாளர்களுக்கு நலத்திட்ட உதவிகளை வழங்கினார். சமூகத்தில் தூய்மையைப் பேணுவதில் முக்கிய பங்காற்றி வரும் தூய்மை பணியாளர்களை கௌரவிக்கும் வகையில் நிகழ்ச்சி நடத்தப்பட்டதாக தெரிவிக்கப்பட்டது.
தொடர்ந்து, தமிழ்நாடு பத்திரிகையாளர் சங்கத்தின் தருமபுரி மாவட்ட தலைவர் சுரேஷ் தலைமையில் சங்க நிர்வாகிகள், டாக்டர் இல.வெ. அறிவழகனுக்கு சால்வை அணிவித்து நினைவுப் பரிசு வழங்கி பிறந்தநாள் வாழ்த்துகளை தெரிவித்தனர். சங்க நிர்வாகிகள் மற்றும் செயற்குழு உறுப்பினர்கள் உள்ளிட்டோர் நிகழ்ச்சியில் கலந்து கொண்டனர்.
