விளாத்திகுளம் | செப். 21
தூத்துக்குடி மாவட்டம் விளாத்திகுளம் மற்றும் சுற்றுவட்டார பகுதிகளில் இருந்து 65-க்கும் மேற்பட்ட விநாயகர் சிலைகள் பேருந்து நிலையம் முன்பு கொண்டுவரப்பட்டு சிறப்பு பூஜைகள் நடைபெற்றன. தொடர்ந்து நான்கு ரத வீதிகள் வழியாக ஊர்வலமாக எடுத்துச் செல்லப்பட்ட சிலைகள் வேம்பார் கடலில் விசர்ஜனம் செய்யப்பட்டன. இந்நிகழ்வை ஆர்எஸ்எஸ் மாநில இணைச்செயலாளர் வெங்கட்ராமன் தொடங்கி வைத்தார்.
நிகழ்ச்சியில் இந்து முன்னணி தலைவர் சந்தனகுமார், செயலாளர் செந்தில்குமார், பொருளாளர் சிவசுப்பையா, இராமகாளியப்பன் உள்ளிட்ட ஒன்றிய மற்றும் நகர நிர்வாகிகள், உறுப்பினர்கள் மற்றும் பொதுமக்கள் பலர் கலந்து கொண்டனர்.
