மதுரை அல்-அமீன் மேல்நிலைப் பள்ளியில் ஆசிரியர்களுக்கு பாராட்டு விழா

மதுரை, செப்டம்பர் 18 –

மதுரை கோ.புதூர் அல்-அமீன் மேல்நிலைப் பள்ளியில் மதுரை நகைச்சுவை மன்றம் சார்பாக ”அறம் ஆசிரியர் விருது” பெற்ற முதுகலை கணித ஆசிரியர் தமிழ்க்குமரன், உயர்நிலை உதவி தலைமையாசிரியர் அல்ஹாஜ் முகமது மற்றும் மதுரை ரோட்டரி கிளப் சார்பாக ”குரு சமர்ப்பணம் விருது” பெற்ற பட்டதாரி தமிழாசிரியர் தெளபிக் ராஜா ஆகியோர்களுக்கு பாராட்டு விழா நடைபெற்றது.

விழாவில் பள்ளி தாளாளர் முகமது இதிரிஸ் தலைமை தாங்கி விருது பெற்ற ஆசிரியர்களின் கல்விச் சேவையை பாராட்டிப் பேசினார். இந்நிகழ்ச்சியில் தலைமையாசிரியர் ஷேக் நபி வழக்கறிஞர் ஹாரிஸ், ஆசிரியர்கள் மற்றும் மாணவர்கள் விருது பெற்ற ஆசிரியர்களுக்கு வாழ்த்துக்களை தெரிவித்தனர்.