தேனி, அக். 10:
தேனி மாவட்டத்தின் புதிய மாவட்ட ஆட்சித்தலைவராக வ. சிவகிருஷ்ணமூர்த்தி, இ.ஆ.ப., இன்று (அக். 10) பொறுப்பேற்றுக் கொண்டார்.
பி.டெக் பட்டதாரியான இவர், 2017-ஆம் ஆண்டு குடிமைப் பணித் தேர்வில் தேர்ச்சி பெற்று, பல்வேறு அரசு நிர்வாகப் பொறுப்புகளில் பணியாற்றிய அனுபவம் கொண்டவர்.
பொறுப்பேற்ற பின்னர் செய்தியாளர்களிடம் பேசிய அவர், பொதுமக்களின் அடிப்படைத் தேவைகளை நிறைவேற்றவும், கோரிக்கை மனுக்களுக்கு உரிய தீர்வு காணவும் சிறப்பு கவனம் செலுத்தப்படும் எனத் தெரிவித்தார்.
