கமுதி, ஜூன்1 –
இந்திய விடுதலைப் போராட்ட வீராங்கனையும், தமிழக வெற்றிக் கழகத்தின் கொள்கை முன்னோடிகளில் ஒருவருமான அஞ்சலையம்மாளின் 136-வது பிறந்தநாள் விழா, ராமநாதபுரம் மேற்கு மாவட்ட செயலாளர் மதன் தலைமையில் கமுதி பேருந்து நிலையம் முன்பு நடைபெற்றது.
அஞ்சலையம்மாளின் உருவப்படத்திற்கு மலர்தூவி மரியாதை செலுத்திய மதன், அவரது தியாகம் மற்றும் தேசப்பற்றை நினைவுகூர்ந்தார். நிகழ்வில் மாவட்ட, ஒன்றிய, நகர, கிளை நிர்வாகிகள், தொண்டர்கள் மற்றும் பொதுமக்கள் என ஆயிரத்திற்கும் மேற்பட்டோர் கலந்து கொண்டனர்.
இதனைத் தொடர்ந்து கமுதி வடக்கு ஒன்றியத்திற்குட்பட்ட கோட்டையூர் கிராமத்தில் வடக்கு ஒன்றிய செயலாளர் வீரகுமார் முன்னிலையில் பள்ளி மாணவர்களுக்கு பள்ளிப் பைகள் வழங்கப்பட்டன. இந்நிகழ்வில் இணைச் செயலாளர் வேல்முருகன், மாவட்ட நிர்வாகிகள் மற்றும் பொதுமக்கள் கலந்து கொண்டனர்.
மாணவர்களின் கல்வி முன்னேற்றத்திற்காக நடைபெற்ற இந்த நலத்திட்ட நிகழ்ச்சிக்கு பொதுமக்கள், சமூக ஆர்வலர்கள் மற்றும் கல்வியாளர்கள் பாராட்டு தெரிவித்தனர். நிகழ்ச்சி உற்சாகமான சூழலில் நிறைவடைந்தது.
