திருப்பூர், ஜூலை 13 –
திருப்பூர் தெற்கு பகுதியில் சிடிசி பஸ் டிப்போ பின்புறம் தனியார் பார்ட்டி ஹாலில் தமிழக வெற்றிக் கழகத்தின் சேவை குழு துவக்க விழா நடைபெற்றது. திருப்பூர் தெற்கு மாநகர மாவட்ட துணைச் செயலாளர் குத்புதீன் தலைமையில் நடைபெற்றது.
இந்நிகழ்ச்சியில் பல்சமய நட்புறவு கழகத்தின் தலைவர் ஷாஜகான் மாவட்ட இளைஞரணி தலைவர் உசேன், மாவட்ட தலைமைக் கழக பேச்சாளர் கருப்பசாமி பாண்டி, மாவட்டத் துணைச் செயலாளர் ஹர்ஷத் அலி, வடக்கு நகர இளைஞர் செயலாளர் ரபீக் மற்றும் சிறுநகரைச் சார்ந்த அசரப் அலி, தவெக நிர்வாகிகள் ஜியாவுல்லா மற்றும் சிடிசி பகுதி செயலாளர் உசேன், விஜயாபுரம் பகுதி செயலாளர் ராஜேஷ் பாண்டி, 𝟰𝟴வது வார்டு செயலாளர் நல்லூர் காதர் மற்றும் நிர்வாகிகள் பல்வேறு அறக்கட்டளையைச் சார்ந்தவர்கள் கலந்து கொண்டார்கள்.
இந்நிகழ்ச்சியில் மாற்றுத்திறனாளி பயனாளிகளுக்கு மூன்று சக்கர மிதி வண்டியும் வறுமை கோட்டுக்கு கீழ் உள்ள பயனாளிகளுக்கு உணவுப் பொருள்களும் வழங்கப்பட்டது.
