கோவை, செப். 28:
பாரம்பரியம் மிக்க கோவை பத்திரிகையாளர் மன்றத்தின் 30-வது பொதுக்குழுக் கூட்டம் ஆடிஸ் வீதியில் உள்ள மன்ற அலுவலகத்தில் நடைபெற்றது. கூட்டத்தில் முன்னாள் தலைவர் காமராஜ், முன்னாள் செயலாளர் தங்கராஜ், முன்னாள் பொருளாளர் ரத்தன்குமார் ஆகியோர் தலைமை வகித்தனர்.
முன்னாள் செயலாளர் தங்கராஜ் ஆண்டறிக்கையையும், முன்னாள் பொருளாளர் ரத்தன்குமார் வரவு-செலவு அறிக்கையையும் தாக்கல் செய்தனர். பொதுக்குழுக் கூட்டத்தில் 80-க்கும் மேற்பட்ட உறுப்பினர்கள் கலந்து கொண்டு பல்வேறு தீர்மானங்களை நிறைவேற்றினர்.
இதனைத் தொடர்ந்து தேர்தல் அதிகாரி பாலமுருகன், 2026-2027-ம் ஆண்டிற்கான புதிய நிர்வாகக் குழுவை அறிவித்தார். தலைவர், செயலாளர், துணைத் தலைவர், இணைச் செயலாளர் மற்றும் 6 செயற்குழு உறுப்பினர்கள் உள்ளிட்ட 13 பதவிகளுக்கு போட்டியின்றி நிர்வாகிகள் தேர்வு செய்யப்பட்டதாக அறிவிக்கப்பட்டது.
புதிய தலைவராக சுஜித், செயலாளராக சௌந்தர் மோகன், பொருளாளராக ரமேஷ் குமார், துணைத் தலைவர்களாக நிதின், ரவி, இணைச் செயலாளர்களாக ரமேஷ், கார்த்திக் ஆகியோர் பொறுப்பேற்றுக் கொண்டனர்.
செயற்குழு உறுப்பினர்களாக வைர பெருமாள், பாஸ்கர் பாண்டியன், தாமோதரன், பால்ராஜ், பிரசன்னா, ஜீவா ஆகியோர் பொறுப்பேற்றனர். நிறைவில் புதிய செயலாளர் சௌந்தர் மோகன் நன்றி கூறினார்.
