தேனி, ஜூன் 26 –
தேனி மாவட்ட விளையாட்டு மைதானத்தில் இன்று (26.06.2026) உலக போதைப்பொருள் தடுப்பு தினத்தை முன்னிட்டு “Start Run, Stop Drug – Anti Drug Run 2026” என்ற விழிப்புணர்வு ஓட்டம் மற்றும் உறுதிமொழி நிகழ்ச்சி நடைபெற்றது. நிகழ்ச்சிக்கு மாவட்ட ஆட்சித்தலைவர் இரா. வைத்திநாதன் தலைமை தாங்கி, போதைப்பொருள் இல்லாத சமூகத்தை உருவாக்க அனைவரும் ஒன்றிணைந்து செயல்பட வேண்டும் என வலியுறுத்தினார். மேலும், இளைஞர்கள் போதைப்பொருள் பழக்கத்திலிருந்து விலகி, கல்வி, விளையாட்டு மற்றும் நல்லொழுக்கப் பாதையில் பயணிக்க வேண்டும் என்றும் அறிவுறுத்தினார்.
இந்நிகழ்வில் மாவட்ட வருவாய் அலுவலர் ப. ராஜகுமார் உள்ளிட்ட அரசு அலுவலர்கள், காவல்துறை அதிகாரிகள், பல்வேறு துறை அலுவலர்கள், பள்ளி மற்றும் கல்லூரி மாணவர்கள், இளைஞர்கள், தன்னார்வ அமைப்பினர் என ஏராளமானோர் கலந்து கொண்டு, “போதைப்பொருள் இல்லாத தமிழகம் – போதைப்பொருள் இல்லாத இந்தியா” என்ற இலக்கை முன்னிறுத்தி விழிப்புணர்வு உறுதிமொழி ஏற்றனர்.
அதனைத் தொடர்ந்து நடைபெற்ற விழிப்புணர்வு ஓட்டத்தில் அனைவரும் உற்சாகமாக பங்கேற்று, போதைப்பொருள் பயன்பாட்டிற்கு எதிராக பொதுமக்களிடையே விழிப்புணர்வை ஏற்படுத்தும் வகையில் சமூகத்திற்கு வலுவான செய்தியை எடுத்துச் சென்றனர். இந்த நிகழ்ச்சி மூலம் போதைப்பொருள் பயன்பாட்டை முற்றிலும் ஒழித்து ஆரோக்கியமான மற்றும் பாதுகாப்பான சமுதாயத்தை உருவாக்க வேண்டும் என்ற உறுதி வலியுறுத்தப்பட்டது.
