திண்டுக்கல், செப்.23:
திண்டுக்கல் மாவட்டத்தில் தீபாவளி பண்டிகையை முன்னிட்டு கோ-ஆப்டெக்ஸ் சிறப்பு தள்ளுபடி விற்பனை தொடங்கியது. திண்டுக்கல் அண்ணா வணிக வளாகத்தில் உள்ள கோ-ஆப்டெக்ஸ் விற்பனை நிலையத்தில் நடைபெற்ற நிகழ்ச்சியில், மாவட்ட ஆட்சித் தலைவர் துர்காமூர்த்தி குத்துவிளக்கேற்றி சிறப்பு விற்பனையை தொடங்கி வைத்தார்.
தீபாவளியை முன்னிட்டு பொதுமக்கள் பயன்பெறும் வகையில் பல்வேறு கைத்தறி மற்றும் துணி வகைகள் சிறப்பு தள்ளுபடி விலையில் விற்பனைக்கு வைக்கப்பட்டுள்ளன. நிகழ்ச்சியில் மதுரை கோ-ஆப்டெக்ஸ் PRO மணிவண்ணன், திண்டுக்கல் விற்பனை நிலைய மேலாளர் முருகன், முதன்மை உதவியாளர்கள் அருண், சங்கீதா உள்ளிட்டோர் கலந்து கொண்டனர்.
