வேலூர், அக் : 13
வேலூர் மாவட்டம், சத்தியமங்கலம் ஊராட்சியில் தமிழ்நாடு வெற்றி திட்டத்தின் கீழ், கிராம மக்களின் அடிப்படைத் தேவைகள் மற்றும் வளர்ச்சிக்கான முன்னுரிமைகளை அடையாளம் காணும் வகையில் ஊரகப் பங்கேற்பு மதிப்பீட்டுப் பணி நடைபெற்றது.
ஊராட்சி மன்றத் தலைவர் பால்வேணி இளங்கோ தலைமையில், துணைத் தலைவர் ரேணு முன்னிலையில் நடைபெற்ற இந்நிகழ்ச்சியில் வார்டு உறுப்பினர்கள், ஊராட்சிப் பணியாளர்கள் மற்றும் பொதுமக்கள் கலந்து கொண்டனர்.
மேலும், பதவிக்காலம் நிறைவடையும் உள்ளாட்சிப் பிரதிநிதிகளுக்கு பொதுமக்கள் சார்பில் மலர் மாலை, சால்வை அணிவித்து பாராட்டு தெரிவிக்கப்பட்டது. நிகழ்ச்சியில் பங்கேற்றவர்களுக்கு மதிய உணவும் வழங்கப்பட்டது.
