நாகர்கோவில் டிச 23
கிறிஸ்துமஸ் மற்றும் புத்தாண்டை முன்னிட்டு சென்னை தாம்பரத்திலிருந்து கன்னியாகுமரிக்கு சிறப்பு ரயில்கள் இயக்கம் தெற்கு ரயில்வே அறிவிப்பு.அதன்படி, திருச்சி வழியாக இயக்கப்படும் தாம்பரம் – கன்னியாகுமரி வாராந்திர சிறப்பு ரயில் டிசம்பர் 24 மற்றும் டிசம்பர் 31 ஆம் தேதி அதிகாலை 12.35 மணிக்கு தாம்பரத்திலிருந்து புறப்பட்டு அதே நாட்களில் மதியம் 12.15 மணியளவில் கன்னியாகுமரியை சென்றடையும் என்று தெரிவிக்கப்பட்டுள்ளது.
மறுமார்க்கத்தில் கன்னியாகுமரி – தாம்பரம் வாராந்திர சிறப்பு ரயில் கன்னியாகுமரியிலிருந்து டிசம்பர் 25 மற்றும் ஜனவரி ஒன்றாம் தேதிகளில் மாலை 4.30 மணிக்குப் புறப்பட்டு மறு நாட்களில் அதிகாலை 4.20 மணிக்கு தாம்பரத்தை வந்தடையும் என்று கூறப்பட்டுள்ளது.
