தஞ்சாவூர் அக்.6.
தஞ்சாவூர் மாவட்டத்தில் இரண்டு பெண் குழந்தைகள் பாதுகாப்புத் திட்டத்தில் பயன்பெற விண்ணப்பி க்கலாம் என மாவட்ட ஆட்சித் தலைவர் பிரியங்கா பங்கஜம் தெரிவித்துள்ளார்.
இதுகுறித்து அவர் மேலும் தெரிவித்திருப்பதாவது:
சமூக நலன் மற்றும் மகளிர் உரிமை துறையின் கீழ் பெண் குழந்தைகள் பிறப்பை ஊக்குவிக் கும் விதமாகவும், பெண் குழந்தை களின் பாலின விகிதத்தை அதிகப் படுத்துவதற்காகவும் முதல்வரின் இரண்டு பெண் குழந்தைகள் பாதுகாப்புத் திட்டம் செயல் படுத்தப்படுகிறது.
இத்திட்டத்தில் இரண்டு பெண் குழந்தைகள் பிறந்து இரண்டாவது பெண் குழந்தை பிறந்த தேதியிலி ருந்து 3 வயதுக்குள் விண்ணப்பிக் க வேண்டும் .இரண்டு பெண் குழந்தைகளின் பிறப்பு சான்று அசல், குடும்ப கட்டுப்பாடு சான்றி தழ் அசல், ஆண் குழந்தை இல்லை என்ற சான்றிதழ், ஜாதி சான்றிதழ், இருப்பிட சான்றிதழ் ,ஆதார் அட்டை 2 நகல்கள், குடும்ப அட்டை நகல், குடும்ப புகைப்படம், பெற்றோரின் மாற்று சான்றிதழ் ஆகியவை இணைக்க வேண்டும். வருமானம் ரூபாய் 72 ஆயிரத்துக்கு மிகாமலும் குழந்தைகளின் தாய் 40 வயதுக்கு ள் இருக்க வேண்டும்.
இந்த ஆவணங்களுடன் அரசு இ-சேவை மையத்தில் இணையதளம் மூலம் விண்ணப்பிக்க வேண்டும் இத்திட்டம் பற்றிய முழுமையான விவரங்களுக்கு பயனாளர்கள் தங்கள் வட்டார வளர்ச்சி அலுவலக த்தில் பணிபுரியும் சமூகநல விரிவாக்க அலுவலர் அல்லது மகளிர் ஊர் நல அலுவலரை தொடர்பு கொள்ளலாம். கூடுதல் விவரங்கள் தொடர்பாக ஆட்சியரக த்திலுள்ள மாவட்ட சமூக நல அலுவலகத்தை அணுகலாம்.
