என் வாழ்க்கையில் மறக்க முடியாத தருணங்களில் ஒன்றாகும்

நாகர்கோவில் ஜூன் 3 

உலக சுற்றுலாத்தலமாக விளங்கி வரும் கன்னியாகுமரியில் மே 30ஆம் தேதி முதல் ஜூன் 1ஆம் தேதி வரை மூன்று நாட்கள் கடல் நடுவே அமைந்துள்ள விவேகானந்தர் மண்டபத்தில் 45 மணி நேர தொடர் தியானம் செய்த பிரதமர் நரேந்திர மோடி தன்னுடைய தியானத்தை ஜூன் 1-ம் தேதி நிறைவு செய்தார். தன்னுடைய 3 நாட்கள் தியானத்தை நிறைவு செய்து விவேகானந்தர் மண்டபத்தில் இருந்து புறப்படும் முன் பிரதமர் மோடி விவேகானந்தர் மண்டபத்தில் உள்ள பார்வையாளர் புத்தகத்தில் தனது கருத்தை பதிவு செய்தார்.

 அதில் இந்தியாவின் கடைசி முனையான கன்னியாகுமரியில் இயற்கைக்கு அப்பாற்பட்ட அற்புதமான உணர்வை அனுபவித்து வருகிறேன். பார்வதியும், சுவாமி விவேகானந்தரும் இந்த பாறையில் தியானம் செய்திருந்தனர். பின்னர் ஏக்நாத் ரானடே  இந்த கல் நினைவகத்தை அமைத்து விவேகானந்தரின் எண்ணங்களுக்கு உயிர் கொடுத்தார்.

ஆன்மீக வளர்ச்சியின் முன்னோடியான சுவாமி விவேகானந்தர் எனது லட்சியமாகவும், எனது ஆற்றலின் மூலமாகவும், எனது ஆன்மிக பயிற்சி யாகவும் இருந்துள்ளார். சுவாமிஜியின் கனவுகள், மதிப்புகள் மற்றும் லட்சியங்களை பின்பற்றி வடிவம் பெறுவது எனது அதிர்ஷ்டம்.

இந்த பாறை நினைவு சின்னத்தில் நான் இருக்கும் இந்த நாட்கள் என் வாழ்க்கையில் மறக்க முடியாத தருணங்களில் ஒன்றாகும், எனது வாழ்வின் ஒவ்வொரு கணமும் என் உடலில் ஒவ்வொரு துகளும் தேச சேவைக்காக அர்ப்பணிக்கப்படும் என்ற எனது உறுதியை பாரத அன்னையின் காலடியில் அமர்ந்து இன்று மீண்டும் ஒருமுறை வலியுறுத்துகிறேன்.

தேசத்தின் முன்னேற்றத்திற்காகவும் நாட்டு மக்களின் நலனுக்காகவும் பாரதத்திற்காகவும் நமது மரியாதையை செலுத்து கிறோம் என்று அவர் தனது கருத்தை பதிவிட்டார் என்பது குறிப்பிடத்தக்கது.