மதுரை, செப்.1:
மாணவர்கள் தங்களது கல்வித் திறனை அறிந்து கொண்டு, போட்டித் தேர்வுகளில் வெற்றி பெறுவதற்கான தயார்நிலையை மதிப்பிட உதவும் வகையில் ஆகாஷ் எஜுகேஷனல் சர்வீசஸ் லிமிடெட் (AESL), ANTHE 2026 தேர்வை அறிமுகப்படுத்தியுள்ளது.
கடந்த 16 ஆண்டுகளில் 1 கோடிக்கும் மேற்பட்ட மாணவர்கள் ANTHE தேர்வில் பதிவு செய்துள்ளதாக ஆகாஷ் தெரிவித்துள்ளது. மாணவர்களின் பாட அறிவு, திறனறிவு, பகுப்பாய்வுத் திறன் மற்றும் தேர்வு செயல்திறனை மதிப்பிடும் வகையில் அறிவியல் அடிப்படையில் தேர்வு வடிவமைக்கப்பட்டுள்ளது.
ANTHE தேர்வில் சிறப்பாக செயல்படும் மாணவர்களுக்கு 100% வரை உதவித்தொகையும், ரூ.2.5 கோடி வரையிலான ரொக்கப் பரிசுகளும் வழங்கப்பட உள்ளன. 5 முதல் 12-ம் வகுப்பு வரையிலான மாணவர்கள் ஆன்லைன் மற்றும் ஆஃப்லைன் முறைகளில் தேர்வு எழுதலாம்.
ஆன்லைன் தேர்வு அக்டோபர் 27 முதல் நவம்பர் 1, 2026 வரையும், ஆஃப்லைன் தேர்வு அக்டோபர் 11, 25 மற்றும் நவம்பர் 1 ஆகிய தேதிகளிலும் நடைபெற உள்ளது. ANTHE 2026-க்கான பதிவுகள் அதிகாரப்பூர்வ இணையதளம் மற்றும் நாடு முழுவதும் உள்ள ஆகாஷ் மையங்களில் நடைபெற்று வருகின்றன.
