தருமபுரி, அக் : 13
சேலம் பெரியார் பல்கலைக்கழகக் கல்லூரிகளுக்கு இடையிலான சதுரங்கப் போட்டிகள், எடப்பாடி அரசு கலை மற்றும் அறிவியல் கல்லூரியில் அக்டோபர் 8, 9 ஆகிய தேதிகளில் நடைபெற்றன. இதில் தருமபுரி அரசு கலைக் கல்லூரி மாணவர்கள் குழுப் பிரிவில் இரண்டாம் இடம் பெற்று கோப்பையை வென்றனர்.
மாணவர் பி. அருண் ராஜ், எம். விஜய ராகவன், எஸ். திருவானந்தன் ராஜ் ஆகியோர் இச்சாதனையைப் படைத்தனர். மாணவிகள் பிரிவில் கே.சி. கவியரசி தனிநபர் போட்டியில் மூன்றாம் இடம் பெற்றார்.
வெற்றி பெற்ற மாணவ, மாணவியர்களுக்குக் கல்லூரி முதல்வர் முனைவர் கோ. கண்ணன் சான்றிதழ்கள் மற்றும் கோப்பைகளை வழங்கிப் பாராட்டினார். உடற்கல்வி இயக்குநர் முனைவர் கு. பாலமுருகன் உள்ளிட்ட பேராசிரியர்கள் வாழ்த்துத் தெரிவித்தனர்.
