மதுரை, ஜூலை 21 –
மதுரை அப்போலோ சிறப்பு மருத்துவமனையில் ஆண்களுக்கான பாலியல் ஆரோக்கியக் குறைபாடுகள், ஆண்மைக்குறைவு மற்றும் குழந்தையின்மைப் பிரச்சனைகளுக்குச் சிகிச்சை அளிக்கும் வகையில் அதிநவீன ஆண்ட்ரோலஜி கிளினிக் (Andrology Clinic)
தொடங்கப்பட்டுள்ளது.
இக்கிளினிக்கில் ஆண்களின் மலட்டுத்தன்மை, விந்தணு குறைபாடு, விரைப்புத்தன்மை கோளாறு, வரிகோசீல் மற்றும் ஹார்மோன் குறைபாடுகளுக்கு அதிநவீன லேசர், ரோபோடிக் மற்றும் நுண் அறுவை சிகிச்சை (Microsurgical) நுட்பங்கள் மூலம் முழுமையான சிகிச்சைகள் வழங்கப்படுகின்றன.
முக்கிய சிறப்பம்சங்கள்:
மேம்பட்ட சிகிச்சைகள்: TESA, PESA, TESE போன்ற சிறப்பு விந்தணு மீட்பு முறைகள் மற்றும் ஆண்குறி செயற்கை உறுப்பு பொருத்துதல் (Penile Prosthesis Implantation) உள்ளிட்ட நவீன வசதிகள்.
ஆலோசனை மற்றும் ரகசியத்தன்மை: திருமணத்திற்கு முந்தைய பரிசோதனைகள், மனநல ஆலோசனைகளுடன் நோயாளிகளின் விவரங்கள் முழு ரகசியமாகப் பராமரிக்கப்படும்.
ஆன்லைன் வசதி:
நேரில் வரத் தயங்குபவர்கள் மற்றும் வெளியூர் வாசசிகளுக்காக ஆன்லைன் ஆலோசனை (Online Consultation) வசதியும் உண்டு.
மருத்துவமனையின் சிறுநீரகவியல் மற்றும் ஆண்மையியல் நிபுணர்களான டாக்டர் ஜே. அருண்குமார், டாக்டர் கே. சங்கர், டாக்டர் ஆர். விஷ்ணுராஜா, தலைமைச் செயல் அதிகாரி டாக்டர் நிகில் திவாரி மற்றும் மருத்துவக் கண்காணிப்பாளர் டாக்டர் பி. சோபனா ஆகியோர், “தயக்கம் காரணமாக ஆண்களின் உடல்நலப் பிரச்சனைகளைப் புறக்கணிக்கக் கூடாது. ஆரம்பத்திலேயே கண்டறிந்தால் அதிநவீன சிகிச்சை முறைகள் மூலம் இவற்றை முழுமையாகக் குணப்படுத்த முடியும்” எனக் குறிப்பிட்டுள்ளனர்.
