சென்னை, டிச. 4 –
மோகன்ஸ் டயாபடீஸ் ஸ்பெஷாலிட்டிஸ் சென்டரின் நிர்வாக இயக்குனரும், மெட்ராஸ் டயாபடீஸ் ரிசர்ச் ஃபவுண்டேஷனின் (MDRF) தலைவருமான டாக்டர் ஆர்.எம். அஞ்சனா, சர்வதேச நீரிழிவு கூட்டமைப்பின் (IDF) உடல் செயல்பாடு குறித்த பணிக்குழுவின் தலைவராகவும், ஐ.டி எஃப்-ன் உலகளாவிய ‘ஆக்டிவ் முன்னெடுப்பு திட்டத்தை வழிநடத்தும் தலைவராகவும் நியமிக்கப்பட்டுள்ளார். இதற்கான சான்றிதழ் வழங்கும் நிகழ்ச்சியில் சர்வதேச நீரிழிவு கூட்டமைப்பின் (IDF) தலைவர் பேராசிரியர் பீட்டர் ஷ்வார்ஸ், மோகன் டயாபடீஸ் ரிசர்ச் பவுண்டேஷன் தலைவர் டாக்டர் மோகன் ஆகியோர் வழங்கினர்.
டாக்டர் மோகன்ஸ் டயாபடீஸ் ஸ்பெஷாலிட்டிஸ் சென்டரின் நிர்வாக இயக்குனரும், மற்றும் ஐ.டி.எஃப்-ன் உடல் செயல்பாடு பணிக்குழுவின் தலைவருமான டாக்டர் ஆர்.எம். அஞ்சனா கூறியதாவது: “இந்தப் பொறுப்பை ஏற்பதில் நான் பெருமைப்படுகிறேன். இன்று உடல் உழைப்பும், உடற்பயிற்சி செயல்பாடும் குறைந்து போனது. சிறுவர்கள் முதல் பெரியவர்கள் வரை எல்லோரையும், தினசரி உடற்பயிற்சி செய்து சுறுசுறுப்பாக வாழ ஊக்குவிப்பதே இத்திட்டத்தின் நோக்கம். “உலகம் முழுவதும் ஒவ்வொரு ஐ.டி.எஃப்-ன் பிராந்தியத்திலிருந்தும் நிபுணர்களை இணைத்து, நீரிழிவு நோய் மற்றும் பிற நாட்பட்ட நோய்களின் பாதிப்பை வெகுவாகக் குறைக்க நாங்கள் திட்டமிட்டுள்ளோம்”என்றார் .
சர்வதேச நீரிழிவு கூட்டமைப்பின் (IDF) தலைவர் பேராசிரியர் பீட்டர் ஷ்வார்ஸ் கூறியதாவது: “நீரிழிவு நோயைத் தடுக்கவும் உடல்நலத்தை மேம்படுத்தவும் உடற்பயிற்சி செய்வதும், உடலுழைப்பு செயல்பாடுகளை மேற்கொள்வதும் தான் சிறந்த வழி. டாக்டர் அஞ்சனா தலைமையின் கீழ், இந்தக் குழுவும் அதன் முயற்சிகளும் உலகளாவிய சான்றுகளை நடைமுறை மற்றும் சமூகம் சார்ந்த நடவடிக்கைகளாக மாற்றி மக்களிடத்தில் உண்மையான மாற்றத்தைக் கொண்டு வரும் என்று நம்புகிறோம். இந்த முயற்சியை ஆதரிப்பதில் ஐ.டி. எஃப் பெருமைகொள்கிறது” என்றார்.
