கோவை, செப். 06 –
கோவை மாவட்டம் சூலூர் பகுதியில் திமுக உறுப்பினர் சேலம் கோவிந்தன் குடுகுடுப்பைக்காரன் வேடத்தில் திமுக அரசின் சாதனைகளை பொதுமக்களிடையே நூதன முறையில் பிரச்சாரம் மேற்கொண்டார்.
அந்த வகையில் தமிழ்நாடு முதல்வர் மு.க. ஸ்டாலின் கொண்டு வந்த காலை உணவு திட்டம், பெண்களுக்கு கட்டணமில்லா பேருந்து, பள்ளி, கல்லூரி மாணவர்களுக்கு மாதந்தோறும் வழங்கும் உதவித்தொகை, தொழில் வளர்ச்சிகள், மகளிர் உரிமைத் தொகை போன்றவைகளை கொடுத்தவர் முதல்வர் ஸ்டாலின் என்று குடுகுடுப்பை அடித்தபடி ஜக்கம்மா சொல்றா ஜக்கம்மா சொல்றா என்கின்ற படி கடை வீதிகள், பேருந்து நிறுத்தம், மக்கள் அதிகம் கூடும் இடங்களில் பிரச்சாரத்தை மேற்கண்ட இடங்களில் பிரச்சாரம் செய்தார்.
அவ்வாறு செய்த கோவிந்தனுக்கு கோயமுத்தூர் தெற்கு மாவட்ட செயலாளர் தளபதி முருகேசன், சூலூர் தெற்கு ஒன்றிய செயலாளர் மன்னவன், சூலூர் நகர திமுக சார்பில் நகர செயலாளர் கௌதமன் ஆகியோர் சால்வை அணிவித்து நினைவு பரிசு வழங்கி வாழ்த்துக்களை தெரிவித்தனர்.
