தூத்துக்குடி, செப்.19.
தூத்துக்குடி மாவட்ட மீன்வளம் மற்றும் மீனவர் நலத்துறை இணை இயக்குநர் அலுவலக வளாகத்தில் நேற்று நடைபெற்ற நிகழ்ச்சியில், 39 மீனவர்களுக்கு மானிய விலையில் இருசக்கர வாகனத்துடன் கூடிய குளிர்காப்பு பெட்டிகள் வழங்கப்பட்டன.
மீனவர்கள் பிடிக்கும் மீன்களை பாதுகாப்பாக எடுத்துச் செல்லவும், மீன்பிடித் தொழிலில் அவர்களின் பயன்பாட்டை மேம்படுத்தவும் இந்த குளிர்காப்பு பெட்டியுடன் கூடிய இருசக்கர வாகனங்கள் வழங்கப்பட்டதாக தெரிவிக்கப்பட்டது.
நிகழ்ச்சியில் மீன்வளம் மற்றும் மீனவர் நலத்துறை அமைச்சர் ஆ.ஸ்ரீநாத், மீனவர்களுக்கு இருசக்கர வாகனங்களை வழங்கினார். மாவட்ட ஆட்சியர் விஷுமகாஜன் உள்ளிட்ட அதிகாரிகள் நிகழ்ச்சியில் கலந்து கொண்டனர்.
