அரியலூர், ஜூலை:29
தமிழ்நாடு முதலமைச்சர் அவர்களின் உத்தரவிற்கிணங்க, அரியலூர் மாவட்டம், அரியலூர் அண்ணாசிலை அருகில், போக்குவரத்துத் துறையின் சார்பில், தமிழ்நாடு அரசு போக்குவரத்துக் கழகம் (கும்ப) லிட், திருச்சி மண்டலத்தின் மூலம் BS VI – 7 புதிய அரசு பேருந்துகளை போக்குவரத்துத் துறை அமைச்சர் சா.சி.சிவசங்கர் கொடியசைத்து துவக்கி வைத்தார்.
இந்நிகழ்ச்சியில் மாவட்ட ஆட்சித்தலைவர் பொ.இரத்தினசாமி, அரியலூர் சட்டமன்ற உறுப்பினர் கு.சின்னப்பா, ஜெயங்கொண்டம் சட்டமன்ற உறுப்பினர் க.சொ.க.கண்ணன், மாவட்ட காவல் கண்காணிப்பாளர் ச.செல்வராஜ் ஆகியோர் கலந்துகொண்டனர்.
தமிழ்நாடு முதலமைச்சர் பொதுமக்களின் நலன் கருதி எண்ணற்ற மக்கள்நலத் திட்டங்களை சிறப்பாக செயல்படுத்தி வருகிறார்கள். அந்த வகையில், போக்குவரத்துத்துறை, தமிழ்நாடு அரசு போக்குவரத்து கழகம் சார்பில், பொதுமக்கள், மகளிர், மாற்றுத்திறனாளிகள், திருநங்கைகள், மாணாக்கர்கள் உள்ளிட்டோர்களுக்கு அரசு பேருந்து சேவை செயல்பட்டு வருகிறது. அந்தவகையில் BS VI 7 புதிய பேருந்துகளை போக்குவரத்துத் துறை அமைச்சர் துவக்கி வைத்து, பேருந்தில் மாவட்ட ஆட்சியர் அலுவலகம் வரை பயணம் மேற்கொண்டார்.
அதன்படி இப்புதிய 07 பேருந்துகள் தடம் எண்.508(F) அரியலூர்- செந்துறை புறப்பட்டு விருத்தாச்சலம் வழியாக சென்னை மாதவரம் சென்றடையும்.
தடம் எண்.508(M) அரியலூரில் இருந்து புறப்பட்டு விருத்தாச்சலம் வழியாக சென்னை கிளாம்பாக்கம் சென்றடையும்,
தடம் எண்.537(A) அரியலூரில் இருந்து புறப்பட்டு திருச்சி வழியாக கோயம்புத்தூர் சென்றடையும்,
தடம் எண்.509(B) ஜெயங்கொண்டம்- செந்துறை புறப்பட்டு விருத்தாச்சலம் வழியாக சென்னை மாதவரம் சென்றடையும்,
தடம் எண்.509(I) ஜெயங்கொண்டத்திலிருந்து புறப்பட்டு விருத்தாச்சலம் வழியாக சென்னை மாதவரம் சென்றடையும்,
தடம் எண்.509(A) ஜெயங்கொண்டம் – தா.பழூர் புறப்பட்டு விருத்தாச்சலம் வழியாக சென்னை கிளாம்பாக்கம் சென்றடையும்,
தடம் எண்.531(E) சிதம்பரத்தில் இருந்து புறப்பட்டு ஜெயங்கொண்டம், திருச்சி வழியாக மதுரை சென்றடையும்.
வகையில் பொதுமக்கள் பயன்பாட்டிற்கு துவக்கி வைக்கப்பட்டுள்ளது.
இந்நிகழ்ச்சியில் தமிழ்நாடு அரசு போக்குவரத்து கழகம் (கும்ப)லிட், கும்பகோணம் மேலாண் இயக்குநர் மகேந்திரகுமார், அரியலூர் நகர்மன்ற தலைவர் சாந்தி கலைவாணன், தமிழ்நாடு அரசு போக்குவரத்து கழகம் (கும்ப)லிட், திருச்சி மண்டலம் பொது மேலாளர் முத்துக்கிருஷ்ணன், அரியலூர் வருவாய் கோட்டாட்சியர் ராமகிருஷ்ணன், தமிழ்நாடு அரசு போக்குவரத்து கழக ஊழியர்கள், உள்ளாட்சி பிரதிநிதிகள் மற்றும் அரசு அலுவலர்கள் உள்ளிட்ட பலர் கலந்து கொண்டனர்.
அரியலூர் மாவட்ட செய்தியாளர் வினோத்குமார்
