தஞ்சாவூர், அக்.22:
மாமன்னர் ராஜராஜ சோழனின் 1041-வது சதய விழா இன்று கொண்டாடப்படும் நிலையில், விழா தஞ்சையில் சிறப்பாக நடைபெற வேண்டும் என திமுக தலைவர் மு.க.ஸ்டாலின் தெரிவித்துள்ளார்.
நீர் மேலாண்மை, நில மேலாண்மை, ஆட்சி நிர்வாகம், கட்டடக்கலை, படைவலிமை உள்ளிட்ட பல துறைகளில் தமிழர்களின் பெருமையை உலகறியச் செய்தவர் ராஜராஜ சோழன் எனக் குறிப்பிட்ட ஸ்டாலின், தஞ்சை தமிழ்ப் பல்கலைக்கழக வளாகத்தில் சுமார் ரூ.56 கோடி செலவில் சோழர் அருங்காட்சியகம் அமைக்கும் திட்டம் தொடரும் என நம்புவதாகவும் தனது எக்ஸ் பதிவில் தெரிவித்துள்ளார்.
