முதுகுளத்தூர்: செப்.19.
தமிழக வெற்றிக் கழகத்தின் ராமநாதபுரம் மேற்கு மாவட்ட செயலாளர் மதன் தலைமையில், முதுகுளத்தூர் ஒன்றியத்தைச் சேர்ந்த அதிமுக நிர்வாகிகள் உள்ளிட்ட ஏராளமானோர் தவெகவில் இணைந்தனர். கட்சியில் இணையும் நிகழ்வு முதுகுளத்தூரில் நடைபெற்றது.
இதில், முதுகுளத்தூர் அதிமுக மத்திய ஒன்றிய செயலாளரும், வெங்கலக்குறிச்சி முன்னாள் ஊராட்சி மன்றத் தலைவருமான செந்தில், மாவட்ட செயலாளர் மதன் முன்னிலையில் தமிழக வெற்றிக் கழகத்தில் இணைந்தார். மேலும், அதிமுக மாவட்ட எம்.ஜி.ஆர். இளைஞர் அணி தலைவர் ஆப்பனூர் VRS. முத்துராமலிங்கம் மற்றும் ஒன்றிய நிர்வாகிகள் உள்ளிட்ட பலரும் தவெகவில் இணைந்தனர்.
புதிதாக கட்சியில் இணைந்த அனைவரையும் மாவட்ட செயலாளர் மதன் வரவேற்றார். மேலும், கழகத்தின் வளர்ச்சிப் பணிகளில் அனைவரும் ஒருங்கிணைந்து செயல்பட வேண்டும் என அவர் கேட்டுக்கொண்டார்.
ராமநாதபுரம் மேற்கு மாவட்டத்தில் தமிழக வெற்றிக் கழகத்தின் அமைப்புப் பணிகள் தொடர்ந்து தீவிரப்படுத்தப்பட்டு வருவதாக கட்சி தரப்பில் தெரிவிக்கப்பட்டுள்ளது. பல்வேறு கட்சிகளைச் சேர்ந்த நிர்வாகிகள் மற்றும் பொறுப்பாளர்கள் தொடர்ந்து தவெகவில் இணைந்து வருவதாகவும் தெரிவிக்கப்பட்டுள்ளது.
