சென்னை, மார்ச் 27 –
தமிழ் மாநில காங்கிரஸ் கட்சிக்கு தேசிய ஜனநாயக கூட்டணியில் 5 சட்ட மன்றத் தொகுதிகள் ஒதுக்கப்பட்டுள்ளன. அத்தொகுதிகளில் வேட்பாளர்கள் பெயர்கள் அறிவிப்பு மற்றும் தேர்தல் அறிக்கை வெளியீட்டிற்கான செய்தியாளர் சந்திப்பு நடைபெற்றது. அப்போது தமிழ் மாநில காங்கிரஸ் கட்சியின் தலைவர் ஜி.கே. வாசன் வேட்பாளர் பெயர்களை வெளியிட்டார்.
அதில் ராணிப்பேட்டை தொகுதியில் பி.எம். கார்த்திகேயன், ஈரோடு மேற்கு தொகுதியில் எம்.யுவராஜா, ஒட்டன்சத்திரம் தொகுதியில் விடியல் சேகர், கும்பகோணம் தொகுதியில் எம்.கே.ஆர். அசோக்குமார், கிள்ளியூர் நிவின் சைமன் ஆகியோர் தமிழ் மாநில காங்கிரஸ் சார்பில் தாமரை சின்னத்தில் போட்டியிடுவார்கள் என்று தெரிவிக்கப்பட்டது.
