திருப்பத்தூர், செப். 2 –
திருப்பத்தூர் மாவட்டம் கந்திலி ஒன்றியத்திற்கு உட்பட்ட கெஜல்நாயக்கன்பட்டியில் தனியார் திருமண மண்டபத்தில் மோட்டூர், பள்ளத்தூர் ஆகிய ஊராட்சிகளுக்கு உங்களுடன் ஸ்டாலின் முகாம் நடைபெற்றது. இந்நிகழ்ச்சியில் திருப்பத்தூர் மாவட்ட செயலாளரும் ஜோலார்பேட்டை சட்டமன்ற உறுப்பினருமான க. தேவராஜ் சிறப்பு அழைப்பாளராக பங்கேற்று மருத்துவ காப்பீடு, வருமான சான்றிதழ், மின் இணைப்பு சான்றிதழ் ஆகிய நலத்திட்ட உதவிகளை வழங்கினார்.
இந்நிகழ்ச்சியில் கந்திலி தெற்கு ஒன்றிய செயலாளர் SKT. அசோக்குமார், கந்திலி மேற்கு ஒன்றிய செயலாளர் முருகேசன், ஒன்றிய குழு துணைத் தலைவர் மோகன், மாவட்ட கவுன்சிலர் சுப்பிரமணி, சம்பந்தப்பட்ட துறை அலுவலர்கள், கழக முன்னோடிகள், உள்ளாட்சி பிரதிநிதிகள் மற்றும் பொதுமக்கள் என பலரும் கலந்து கொண்டனர்.
