நீலகிரி: அக்.24.
மாவட்டத்தில் தொடர்ந்து பெய்து வரும் கனமழையைக் கருத்தில் கொண்டு, அடுத்த 3 நாட்களுக்கு இரவு நேர வாகனப் போக்குவரத்துக்குத் தடை விதித்து மாவட்ட ஆட்சியர் உத்தரவிட்டுள்ளார்.
இதன்படி, தினமும் மாலை 6 மணி முதல் காலை 7 மணி வரை ஆம்புலன்ஸ் வாகனங்களைத் தவிர மற்ற வாகனங்கள் இயக்கத் தடை விதிக்கப்பட்டுள்ளது. கனமழையால் ஏற்படக்கூடிய பாதிப்புகள் மற்றும் விபத்துகளைத் தவிர்க்கும் வகையில் இந்த நடவடிக்கை எடுக்கப்பட்டுள்ளது. பொதுமக்கள் மாவட்ட நிர்வாகத்தின் அறிவுறுத்தல்களைப் பின்பற்றி பாதுகாப்பாக இருக்குமாறு கேட்டுக்கொள்ளப்படுகிறார்கள்.
