திருப்பூர், மே 22 –
தமிழக அரசியல் வரலாற்றில் முதல் முறையாக இந்திய யூனியன் முஸ்லிம் லீக் கட்சி சார்பில் பாபநாசம் சட்டமன்ற உறுப்பினர் ஆடுதுறை ஏ.எம்.ஷாஜகான் முதலமைச்சர் விஜய் தலைமையிலான தவெக அரசில் இன்று அமைச்சராக பொறுப்பேற்றுக் கொண்டார்.
இதனைக் கொண்டாடும் விதத்தில் திருப்பூர் வடக்கு மாவட்ட இந்திய யூனியன் முஸ்லிம் லீக் சார்பில் மாவட்டத் தலைவர் என்.சையது முஸ்தபா தலைமையில் திருப்பூர் பெரிய கடை வீதி மாவட்ட தலைமை அலுவலகம் முன்பு இன்று ஜும்மா தொழுகை முடிந்து வந்தவர்களுக்கு இனிப்புகள் வழங்கி தங்கள் மகிழ்ச்சியை வெளிப்படுத்தினர்.
நிகழ்வில் சுதந்திர தொழிலாளர் யூனியன் மாநில செயலாளர் எம் ஹபீபுர் ரஹ்மான், முஸ்லிம் லீக் மாவட்ட துணைத் தலைவர் மௌலவி அப்துல் கலாம், ஆசாத் சிராஜ் ஹஜரத், தெற்கு தொகுதி செயலாளர் முகமது அய்யூப், STU மாவட்ட பொருளாளர் ராஜா, முஹம்மது ஹவுசிங் யூனிட் ஷேக் அப்துல்லா, யூத் லீக் முஜிபுர் ரஹ்மான், 45வது வார்டு பிரைமரி குடைகாரர் ஹபீபுர் ரஹ்மான் மற்றும் நிர்வாகிகள் கலந்து கொண்டனர்.
நிகழ்ச்சியில் அனைத்து இஸ்லாமிய ஜமாத் கூட்டமைப்பு முன்னாள் பொதுச் செயலாளர் முகமது யாசர், பெரிய பள்ளிவாசல் முன்னாள் தலைவர் ஹாஜி வி.கே.எம்.ஷாஜகான், தமிழக வெற்றி கழக மாவட்ட துணை செயலாளர் குத்புதீன் ஆகியோர் கலந்து கொண்டனர். விழாவில் ஆயிரக்கணக்கானோருக்கு இனிப்புகள் வழங்கப்பட்டது.
