தமிழக வெற்றிக் கழகம் சார்பில் வழங்கப்பட்ட கணினிகள்; 500-க்கும் மேற்பட்டோருக்கு அன்னதானம்
திருப்பத்தூர், செப். 11-
ஆம்பூர் சட்டமன்றத் தொகுதிக்குட்பட்ட பள்ளிகளுக்கு தமிழக வெற்றிக் கழகம் சார்பில் சுமார் ரூ.3 லட்சம் மதிப்பிலான கணினிகள் வழங்கும் விழா நடைபெற்றது. ஆம்பூரில் உள்ள தனியார் திருமண மண்டபத்தில் நடைபெற்ற நிகழ்ச்சிக்கு தமிழக வெற்றிக் கழக உறுப்பினர் மேக்ச்சி வெ.ரமேஷ் ஏற்பாடு செய்திருந்தார். நிகழ்ச்சிக்கு திருப்பத்தூர் கிழக்கு மாவட்டச் செயலாளர் நவீன்குமார் தலைமை வகித்தார். அவருக்கு ஆம்பூர் பைபாஸ் பகுதியில் வானவேடிக்கை மற்றும் மேளதாளத்துடன் உற்சாக வரவேற்பு அளிக்கப்பட்டது.
இதனைத் தொடர்ந்து, பள்ளி மாணவர்கள் மற்றும் ஆசிரியர்களின் பயன்பாட்டிற்காக கணினிகள் வழங்கப்பட்டன. மாவட்ட இணைச் செயலாளர் சரவணன், ஆம்பூர் நகரச் செயலாளர் மதன் உள்ளிட்ட நிர்வாகிகள், தலைமை ஆசிரியர்கள் மற்றும் கட்சி பொறுப்பாளர்கள் கலந்து கொண்டனர். மேலும், நிகழ்ச்சியில் பங்கேற்ற பொதுமக்கள், மாணவர்கள், பெற்றோர் மற்றும் இளைஞர்கள் உள்ளிட்ட 500-க்கும் மேற்பட்டோருக்கு மகா அன்னதானம் வழங்கப்பட்டது.
