மாற்றுத்திறனாளிகளுக்கு செயற்கை கால்கள் வழங்கல்!

கிருஷ்ணகிரி, 17.08.2026

கிருஷ்ணகிரி மாவட்ட ஆட்சியர் அலுவலக வளாகத்தில், மாற்றுத்திறனாளிகள் நலத்துறை சார்பில் சிறப்பு குறைதீர்க்கும் முகாம் நடைபெற்றது. இதில், மாற்றுத்திறனாளிகளின் கோரிக்கைகள் மற்றும் தேவைகள் குறித்து அதிகாரிகள் கேட்டறிந்து, அவர்களுக்கு தேவையான நலத்திட்ட உதவிகள் வழங்கப்பட்டன.

முகாமில், கால் துண்டிக்கப்பட்ட 2 மாற்றுத்திறனாளிகளுக்கு முதலமைச்சரின் விரிவான மருத்துவக் காப்பீட்டுத் திட்டத்தின் மூலம் ரூ.49,600 மதிப்பிலான செயற்கை கால்களை மாவட்ட ஆட்சித்தலைவர் ச. தினேஷ் குமார் வழங்கினார். நிகழ்ச்சியில் மாற்றுத்திறனாளிகள் நல அலுவலர் முருகேசன் உள்ளிட்ட அரசு அலுவலர்கள் மற்றும் பலர் கலந்து கொண்டனர்.