சென்னை: அக்.20:
இசையமைப்பாளர் தேவாவின் சகோதரர் சபேஷின் மகனும், நடிகருமான கார்த்திக் சபேஷ் (37) உடல்நலக் குறைவால் காலமானார். அவரது மறைவுச் செய்தி திரையுலகினர் மற்றும் ரசிகர்கள் மத்தியில் சோகத்தை ஏற்படுத்தியுள்ளது.
தமிழ் திரைப்படங்களில் நடித்து வந்த கார்த்திக் சபேஷ், ‘வல்லவன்’, ‘பட்டத்து யானை’, ‘குளிர் 100°’ உள்ளிட்ட படங்களில் நடித்துள்ளார். தனது நடிப்பின் மூலம் ரசிகர்களிடையே அறிமுகமான அவர், இசையமைப்பாளர் தேவாவின் குடும்பத்தைச் சேர்ந்தவர் என்பதும் குறிப்பிடத்தக்கது.
கார்த்திக் சபேஷ் உடல்நலக் குறைவால் உயிரிழந்ததாக அவரது குடும்பத்தினர் தெரிவித்துள்ளனர். 37 வயதிலேயே அவர் காலமானது திரையுலகினரிடையே அதிர்ச்சியையும் சோகத்தையும் ஏற்படுத்தியுள்ளது. அவரது மறைவுக்கு திரையுலகினர் மற்றும் ரசிகர்கள் இரங்கல் தெரிவித்து வருகின்றனர்.
