திண்டுக்கல் தேமுதிக மாநகர் மாவட்ட கழகம் சார்பில் விஜயகாந்த் பிறந்தநாள் விழா

திண்டுக்கல், ஆக. 25 –

மறைந்த தேமுதிக நிறுவனரும், நடிகருமான விஜயகாந்தின் 73-வது பிறந்தநாள் தமிழகம் முழுவதும் சிறப்பாக கொண்டாடப்பட்டது. ரசிகர்கள், கட்சித் தொண்டர்கள், அரசியல் பிரமுகர்கள், திரைப்பிரபலங்கள் என பலரும் விஜயகாந்தின் பிறந்த நாளில் அவரது இனிய நிகழ்வுகளை பகிர்ந்து வருகிறார்கள்.

அதேபோல திண்டுக்கல் தேமுதிக மாநகர் மாவட்ட கழகம் சார்பில் அரசு தலைமை மருத்துவமனை அருகில் உள்ள சி.எஸ்.ஐ. சோபியா சிஸ்டர் ஆரம்ப பள்ளி ஏழை குழந்தைகளுக்கு செயிண்ட் சேவியர் தெரு 29-வது வட்ட கழகத்தை சார்ந்த தமிழ் செல்வன் ஏற்பாட்டில் அன்னதானம் வழங்கப்பட்டது. இந்நிகழ்வில் மாநகர் மாவட்ட கழக செயலாளர் பா. மாதவன் தலைமையில் மாவட்ட கழக நிர்வாகிகள், சார்பு அணி நிர்வாகிகள் பலரும் கலந்து கொண்டு சிறப்பித்தனர்.