தருமபுரி, அக் : 13
தருமபுரி மாவட்ட பாஜக மகளிர் அணி சார்பில், மாணவிகளுக்கு பாலியல் தொல்லை அளித்ததாகக் கூறப்படும் மருத்துவர் அங்கோம்சா பிமோல் அகோய்ஜம் தொடர்பான விவகாரத்தில் உரிய கண்டனம் தெரிவிக்கவில்லை எனக் குற்றம்சாட்டி, ராகுல் காந்தி மற்றும் காங்கிரஸ் கட்சியைக் கண்டித்து பிஎஸ்என்எல் அலுவலகம் முன்பு ஆர்ப்பாட்டம் நடைபெற்றது.
மாவட்ட மகளிர் அணி நிர்வாகி கலையரசி தலைமை தாங்கினார். மாவட்டத் தலைவர் சரவணன் முன்னிலை வகித்தார். பெண்களின் பாதுகாப்பு மற்றும் உரிமைகளை வலியுறுத்தி கோஷங்கள் எழுப்பப்பட்டன. அப்போது உருவ பேனரைக் கிழித்து எரிக்க முயன்றதை காவல்துறையினர் தடுத்து நிறுத்தினர். இதில் பாஜக நிர்வாகிகள் மற்றும் மகளிர் அணியினர் கலந்து கொண்டனர்.
