கோவை, மே 07 –
கோவை கணியூரில் அமைந்துள்ள பார்க் கல்விக் குழுமத்தின் பொறியியல் கல்லூரிகளின் இரண்டு நாள் கலை திருவிழாவான ஆண்டு விழா ஜீரோ ஜி 2026 வெகு விமர்சையாக கொண்டாடியது.
இந்த கலைவிழாவில் 22 கல்லூரிகளை சேர்ந்த நூற்றுக்கணக்கான மாணவ மாணவிகள் பல போட்டிகளில் பங்கெடுத்தனர். 30க்கும் மேலான போட்டிகள் நடைபெற்றன. வெற்றி பெற்றவர்களுக்கு பரிசுகள் வழங்கப்பட்டன. காலையில் துவங்கிய இத்திருவிழா மாணவர்களின் பல வகையான கலை நிகழ்ச்சிகள் மற்றும் செண்டை மேளம் வழியாக வளாகம் கலை கட்டியிருந்தது.
முதல் நாளில் திரையுலகின் பாடகர்/இசையமைப்பாளர் நிவாஸ் கே பிரசன்னா மற்றும் நடிகர்/பாடகி மடோனா செபாஸ்டியன் தங்களது குரல் வளத்தால் மாணவர்களை உற்சாகப்படுத்தி மகிழ்ந்தார்கள். டாக்டர் அனுஷா ரவி சிறப்பு விருந்தினர்களை அறிமுகப்படுத்தி மாணவர்கள் உங்களுக்கானது ஆகவே கொண்டாடி மகிழுங்கள் என்று வாழ்த்தினார். இந்த அற்புதமான நிகழ்ச்சியை ஏற்பாடு செய்த ஜீரோ ஜி குழுவினர் அனைவருக்கும் வாழ்த்துகளைத் தெரிவித்துக் கொண்டார்.
