கிருஷ்ணகிரி, அக். 5:
தமிழக வெற்றிக் கழகத்தின் கிருஷ்ணகிரி மத்திய மாவட்ட சட்டமன்றத் தொகுதி நகரக் கழகம் மற்றும் மகளிரணி சார்பில், தவெக வேட்பாளர் சத்தியபாமா குறித்து வெளியானதாகக் கூறப்படும் சர்ச்சைக்குரிய பேச்சுக்கு கண்டனம் தெரிவித்து கிருஷ்ணகிரி நகர காவல் நிலையத்தில் புகார் மனு அளிக்கப்பட்டது.
தவெக கிருஷ்ணகிரி சட்டமன்ற உறுப்பினர் பி. முகுந்தன் உத்தரவின் பேரிலும், கட்சித் தலைமையின் அறிவுறுத்தலின்படியும், கிருஷ்ணகிரி மத்திய மாவட்ட நகரக் கழக செயலாளர் சசிகுமார் தலைமையில் புகார் மனு அளிக்கப்பட்டதாக தெரிவிக்கப்பட்டுள்ளது. பெண்களின் கண்ணியம், சமூக மரியாதை மற்றும் பொதுவாழ்வில் பெண்களுக்கான மதிப்பை பாதுகாக்கும் வகையில், சம்பந்தப்பட்ட விவகாரம் குறித்து உரிய விசாரணை நடத்தி சட்டப்படி நடவடிக்கை எடுக்க வேண்டும் என மனுவில் வலியுறுத்தப்பட்டுள்ளது.
