சென்னை, செப். 29 –
மின்சார இரு சக்கர மற்றும் மூன்று சக்கர வாகன உற்பத்தியாளரான கைனடிக் கிரீன் எனர்ஜி அண்ட் பவர் சொல்யூஷன்ஸ் இந்திய வெகுஜன மக்களின் பயணத்திற்காக பிரத்யேகமாக வடிவமைக்கப்பட்ட இ-லூனா ப்ரைம் -ஐ அறிமுகம் செய்யப்பட்டது. சென்னையில் நடந்த கைனடிக் கிரீன் இ-லூனா பிரைம் வெளியீட்டு நிகழ்வில், கைனடிக் கிரீன் நிறுவனர் மற்றும் தலைமை நிர்வாக அதிகாரி டாக்டர் சுலஜ்ஜா ஃபிரோடியா மோத்வானி, தொழில்துறைக்கான நாடாளுமன்ற நிலைக்குழுவின் தலைவர் திருச்சி சிவா எம்.பி, கைனடிக் கிரீன் இணை நிறுவனர் ரித்தேஷ் மந்திரி மற்றும் இருசக்கர வணிகத் தலைவர் ஜெயபிரதீப் வாசுதேவன் ஆகியோர் கலந்து கொண்டனர்.
இந்நிகழ்ச்சியில் கைனடிக் கிரீனின் நிறுவனர் டாக்டர் சுலஜ்ஜா ஃபிரோடியா மோட்வானி தெரிவித்ததாவது: இந்தியாவில் தனிமனித எதிர்காலத்தை மாற்றுவதற்கான முயற்சியை “இலூனா பிரைம்” வெளியிடுவதில் மூலம் மகிழ்ச்சியடைகிறோம். ஆயிரக்கணக்கான வாடிக்கையாளர்களிடமிருந்து பாராட்டைப் பெற்ற இலூனா பிரைம், இன்றும் தரமான நீடித்த தன்மையை குறைந்த விலையில் தர உத்தேசித்துள்ளோம். வாடிக்கையாளர்கள் அனைவரும் எரிபொருள் சேமிப்பின் மூலம் வருடத்திற்கு ரூ.60 ஆயிரம் வரையில் சேமிப்பு பலனை பெறுவார்கள். இ-லூனா ப்ரைம் 110 கிமீ மற்றும் 140 கிமீ வரம்புடன் 100சிசி மற்றும் 110 சிசி திறன் கொண்ட ஒரு செலவு குறைந்த மின்சார இரு சக்கர வாகனமாகும். இதன் விலை ரூ. 82,490 (எக்ஸ்-ஷோரூம்) ஆகும். இது 6 வண்ணங்களில் கிடைக்கும் என்றார்.
