ஈரோட்டிற்கு வருகிறது பிரமாண்ட மல்டிப்ளெக்ஸ்!

Fortune City – Broadway Cinemas அதிகாரப்பூர்வ இணைப்பு

ஈரோடு, செப். 30

ஈரோடு மக்களுக்கும், கொங்கு மண்டல சினிமா ரசிகர்களுக்கும் உலகத்தரத்திலான திரை அனுபவத்தை வழங்கும் வகையில், ஈரோட்டின் முன்னணி வணிக வளாகமான Fortune City மற்றும் தென்னிந்தியாவின் முன்னணி பிரீமியம் திரையரங்க நிறுவனமான Broadway Cinemas ஆகியவை இணைந்துள்ளன.

இதன் மூலம் ஈரோட்டில் புதிய தலைமுறை மல்டிப்ளெக்ஸ் திரையரங்க வளாகம் அமைக்கப்பட உள்ளது. உலகத்தரத்திலான ஒலி-ஒளி தொழில்நுட்பம், பிரமாண்ட திரைகள், சொகுசு இருக்கைகள் மற்றும் சிறப்பான உணவு அனுபவங்களுடன் இந்த திரையரங்கம் உருவாக உள்ளது. புதிய திரையரங்கம் 2028 ஜனவரிக்குள் பயன்பாட்டிற்கு கொண்டு வர இலக்கு நிர்ணயிக்கப்பட்டுள்ளதாக தெரிவிக்கப்பட்டுள்ளது.

2023-ஆம் ஆண்டு தொடங்கப்பட்ட Broadway Cinemas, கோவை மற்றும் திருப்பூரில் அதிநவீன திரையரங்குகளை நடத்தி வருகிறது. கோவையில் IMAX Laser, EPIQ Premium Large Format உள்ளிட்ட பிரீமியம் திரை வசதிகளையும், திருப்பூரில் HyperX, Vivid திரைகளையும் கொண்டுள்ளது.

சேலம்–கொச்சி தேசிய நெடுஞ்சாலையான NH-544-ல் சுமார் 42 ஏக்கர் பரப்பளவில் அமைந்துள்ள Fortune City வளாகத்தில் ஏற்கெனவே பல்வேறு வணிக மற்றும் பொழுதுபோக்கு மையங்கள் செயல்பட்டு வருகின்றன. தற்போது Broadway Cinemas இணைவதன் மூலம், ஈரோடு மற்றும் கொங்கு மண்டல மக்களுக்கு ஷாப்பிங், உணவு மற்றும் நவீன சினிமா அனுபவம் ஒரே இடத்தில் கிடைக்கும் வகையில் புதிய பொழுதுபோக்கு மையமாக Fortune City மேலும் வளர உள்ளது.